Sri Abhinava Praneshavittala Dasaru

• Period : 1903 – 1978
• Name : Sri Hanumantarayaru
• Ankitha : Abhinava Pranesha Vittala
• Upadesha Guru :  Sri Pranesha Dasaru(in Dream)
  
• Aradhana Tithi :  Pushya Bahula Sapthamee
• Place : Lingasuguru

ಶ್ರೀ ಅಭಿನವ ಪ್ರಾಣೇಶದಾಸರು

ಕಾಲ	ಕ್ರಿ. ಶ. 1903 – 1978
ಹೆಸರು	ಶ್ರೀಹನುಮಂತರಾಯರು
ತಂದೆ	ಶ್ರೀರಾಘಪ್ಪನವರು
ತಾತ	ಶ್ರೀಗುರು ಪ್ರಾಣೇಶದಾಸರು
ಮುತ್ತಾತ	ಶ್ರೀಮರುದಾಂಶ ಶ್ರೀ ಪ್ರಾಣೇಶದಾಸರು
ಪುಣ್ಯ ತಿಥಿ	ಪುಷ್ಯ ಬಹುಳ ಸಪ್ತಮೀ
ಅಂಕಿತ	ಅಭಿನವ ಪ್ರಾಣೇಶವಿಠ್ಠಲ
ಉಪದೇಶ ಗುರುಗಳು	ಶ್ರೀಪ್ರಾಣೇಶದಾಸರಿಂದ ಸ್ವಪ್ನ ಲಬ್ಧ
ಉದ್ಧಾರಕ ಗುರುಗಳು	ಶ್ರೀವರದೇಂದ್ರತೀರ್ಥರು
ಸ್ಥಳ	ಲಿಂಗಸೂಗೂರು

 

ಸಮಕಾಲೀನ ಯತಿಗಳು :ಶ್ರೀಸುಶೀಲೆಂದ್ರತೀರ್ಥರು, ಶ್ರೀಸುವ್ರತೀಂದ್ರತೀರ್ಥರು, ಶ್ರೀಸುಯಮೀಂದ್ರತೀರ್ಥರು, ಶ್ರೀಸುಜಯೀಂದ್ರತೀರ್ಥರು,ಶ್ರೀವಿದ್ಯಾಪ್ರಸನ್ನತೀರ್ಥರು, ಶ್ರೀವಿದ್ಯಾಪಯೋನಿಧಿತೀರ್ಥರು

ಹರಿದಾಸರು :ಶ್ರೀ ಇಂದಿರೇಶ ( ಶ್ರೀ ಪಾಂಡುರಂಗಿ ಹುಚ್ಚಾಚಾರ್ಯ ), ಶ್ರೀ ಶ್ಯಾಮಸುಂದರದಾಸರು, ಶ್ರೀ ಐಕೂರು ಆಚಾರ್ಯರು, ಶ್ರೀ ಕಾರ್ಪರ ನರಹರಿ, ಶ್ರೀ ಬಡೇ ಸಾಹೇಬರು, ಶ್ರೀ ಸುಳಾದಿ ಕುಪ್ಪೆರಾಯರು

ವರದೇಂದ್ರಾರ್ಚಕಂ ಶಾಂತಂ – ಪ್ರಾಣೇಶಾರ್ಯಸುವಂಶಜಂ |
ಮಾಲೋಲ ಪದ ಸಂಸಕ್ತಂ – ಹನುಮಂತಾಭಿಧಂ ಭಜೇ ||

वरदेंद्रार्चकं शांतं – प्राणेशार्यसुवंशजं ।
मालोल पद संसक्तं – हनुमंताभिधं भजे ॥

varadeMdrArcakaM SAMtaM – prANeSAryasuvaMSajaM |
mAlola pada saMsaktaM – hanumaMtABidhaM Baje ||

ದಾಸರಾಯರ ರಚನೆಯ ಕೆಲವು ಆಯ್ದ ಭಾಗಗಳು

” ಶ್ರೀ ರಾಯರ ಮೇಲಿನ ಸ್ತೋತ್ರ ಸುಳಾದಿ ” :

ಗುರು ರಾಘವೇಂದ್ರ ಪರಮ ಮಂಗಳ ಮೋದ ।
ಚರಿತೆ ಬರೆವೆ ಗುರು ವರದೇಂದ್ರ ರಾಯರ ।
ಕರುಣದಿಂದಾ ಪನಿತು ಹರುಷದಿಂದ ।
ಪರಮೇಷ್ಠಿ ಚರಣಾಬ್ಜ ಮಧುಕರ ಶಂಖುಕರ್ಣ ।
ಶರಜಜನಾಜ್ಞದಿ ವರ ಕೃತ ಯುಗದಲ್ಲಿ ।
ಪುರಟನಯ್ಯನ ಸುತನಾಗಿ ಜನಿಸೀ ।
ಹರಿ ಭಕ್ತಾಗ್ರಣಿಯೆನಿಸಿ ಹರಿಭಕ್ತಿ ಸುಧೆ ಸುರಿಸಿ ।
ಹಿರಿಯನ ಛಲದಿಂದ ವರ ಸಭೆ ಸ್ತಂಭದಿ ।
ನರಹರಿಯನು ತೋರ್ದ ಪ್ರಹ್ಲಾದನೆ ।।
ಎರಡೊಂದು ಯುಗದಲ್ಲಿ ಕುರಕುಲ ಸಂಜಾತ ।
ಮುರಹರ ಸೇವಕ ಬಾಹ್ಲೀಕ ।।
ಖರ ಯುಗದಲ್ಲಿ ಪ್ರಥಮ ಬನ್ನೂರುರಾಯರ ಪುತ್ರ ।
ಸ್ವರ್ಣವರ್ಣರ ಛಾತ್ರ ವ್ಯಾಸತೀರ್ಥ ।
ಕರಿನಾಡಿನಲ್ಲಿ ಅವತರಿಸಿದ ಪುನರಪಿ ।
ಧರಿಜಪತಿಯ ಚರಣಾರ್ಚನೆ ಗೈಯ್ಯಲು ।
ನರಹರಿ ಅಭಿನವ ಪ್ರಾಣೇಶ ವಿಠ್ಠಲನ ।
ಚರಣ ಕಿಂಕರ ಚಂದ್ರ ಗುರುರಾಘವೇಂದ್ರ ।।

” ಶ್ರೀ ವರದೇಂದ್ರತೀರ್ಥ ಸ್ತೋತ್ರ ಸುಳಾದಿ ” :

ವಂದಿಸುವೆನು ಭವ ಮಂದಧಿ ತಾರಕ ।
ಸಿಂಧು ಶಯನ ರಾಮಚಂದ್ರಾರ್ಚಕ । ವಸು ।
ಧೇಂದ್ರರಾಯರ ಕರಮಂದಜೋದ್ಭವ । ವರ ।
ದೇಂದ್ರರಾಯನೆ ಮತಿ ಚಂದಿರನೆ ।।

ಇನ್ನೊಂದು ಸುಳಾದಿಯಲ್ಲಿ..

ದುರಿತ ಕದಳಿ ವನ ದ್ವಿರದಿಯಂತಿಪ್ಪನು ।
ಪರಮತ ಶರನಿಧಿ ಕರಿರಾಜನೆನಿಸುವ ।
ಮರುತಮತಾಂಬುಧಿ ಪರಿಪೂರ್ಣ ಹಿಮಕರ ।
ಧರಣಿ ದೇವರ ಸೇವೆ ಹರುಷದಿ ಕೊಳ್ಳುತವರು ।।
ದ್ಧರಿಸುವ ಕರುಣಾಳು ಗುರುರಾಜ ಪವಿತೇಜ ।
ಸುರರಾಜನಂತೆ ಭೂಸುರ ಗಢನದಿ ಮೆರೆವ ।
ಕರಿಚರ್ಮಾಂಬರ ಪ್ರೀತ ವರದೇಂದ್ರನೇ ।।

” ಶ್ರೀ ಗೋಪಾಲದಾಸರ ಸ್ತೋತ್ರ ಸುಳಾದಿ ” :

ಹರಿದಾಸ ಚತುಷ್ಟಯರೊಳಗೋರ್ವ ಮಹಿಮರ ।
ತರುಪಾಲದಾಸ ಚರಿತೆಯ ತಿಳಿದಷ್ಟು ।
ಬರೆಯುವೆ ಶ್ರೀ ಹರಿ ಗುರುಗಳ ಕರುಣದಿ ।
ಸಿರಿವರನಾಜ್ಞದಿ ಕರಿಕಂಠ ಧರೆಯೊಳು ।
ವರ ಭಾಗವತ ಧರ್ಮ ಪಸರಿಸ ಲೋಸಗ ।।
ಮುರಹರಿಯುದರದಿ ದಧಿಶಿಲೆಯೋಳು ಪುಟ್ಟಿ ।
ಪೆರೆ ಶುಕ್ಲನಂದದಿ ವರ್ಧಿಸಿದ ।
ಉರಿಯುದರದಿ ಭಾಗದಿಗಳೆಲ್ಲ ಸ್ವತ್ತಪ ।
ಹಸಿರುದೊಡಲು ಬಂದು ಸಂಕಾಪುರದಿ ।
ಮರುತದೇವನ ಆಶ್ರಯವನ್ನು ಪಡೆದರು ।
ಹರಿಯಭಿನವ ಪ್ರಾಣೇಶವಿಠ್ಠಲನ ದಯದಿ ।।

Sri Parvathi devi sthothra sulaadhi

ಧೃವತಾಳ
ಉಮಾ ಕಾತ್ಯಾಯಿನಿ ಪಾವ೯ತಿ ಕಲ್ಯಾಣಿ|
ಬೊಮ್ಮ ಭೃಕುಟಿ ಸಂಭೂತ ದೇವನ ರಾಣಿ |
ಕಮ್ಮಗೋಲನ ಜನನಿ ದಾಕ್ಷಾಯಿಣಿ |
ಸುಮನಸರಿಗೆ ಗತಿ ಕರುಣಾಪೂರಿತ ಪಾಂಗೆ|
ಕುಮನಸರಿಗತಿ ವಜ್ರ ಕಠಿಣ ಪಾಂಗೆ |
ರಮೆಯರಸನ ಪಾದಸುಮನಸ್ವ ಭೃಂಗೆ |
ಬೊಮ್ಮಭಿನವ ಪ್ರಾಣೇಶ ವಿಠಲನ |
ಸುಮನ ಚರಣಗಳಲ್ಲಿ ಮನವ ಪ್ರೇರಿಸು ತಾಯೆ

ಮಟ್ಟತಾಳ
ಚಂಡಿದುರ್ಗೆ ಭೂತಗಣ ಸಂಸೇವಿತಳೆ |
ರುಂಡಾಹಿ ಮಾಲಾಧರ ಹೃನ್ಮಂದಿರಳೆ |
ಉಂಡು ವಿಷವ ನಿನ್ನ ಗಂಡನು ಬಳಲಿ |
ಕೈಕೊಂಡೌಷಧವೆನಗೆ ಕರುಣದಿ ನೀಡಮ್ಮ ಮಂಡೆ ಬಾಗಿ ಬೇಡ್ವೆ |
ಕರಗಳ ಜೋಡಿಸುತ | ಪುಂಡರೀಕ ನಯನೆ ಪುಂಡರೀಕ ಗಮನೆ |
ಪಂಢರ ಅಭಿನವ ಪ್ರಾಣೇಶ ವಿಠಲನ |
ಪುಂಡರೀಕ ಚರಣ ಬಂಡುಣಿ ಎನಿಸಮ್ಮಾ||

ತ್ರಿವಿಡಿತಾಳ
ಆರುಮೊಗನ ಪೆತ್ತ ಚಾರು ಚರಿತ್ರಳೆ |
ವಾರಣಾರಿ ವೃಷಭಶ್ಯಂದನಳೆ |
ಶ್ರೀ ರಜಪತಿ ರಾಮನಾಮ ಮಂತ್ರವ ಜಪಿಸಿ |
ಸರ್ವಮಂಗಳೆಯಾದ ಶರ್ವಾಣಿಯೆ ನಾರಿಯರಾಭಿಷ್ಟ ಪೂರೈಸುತವರಿಗೆ |
ವೀರ ಪತಿವ್ರತೆ ಧರ್ಮ ಮರ್ಮವ ತೋರ್ದ| ವಾರಿಜನಯನೆ ಮಂಗಳಗೌರಿಯೇ |
ಮಾರಮಣಭಿನವ ಪ್ರಾಣೇಶ ವಿಠಲನ |
ಚಾರು ಚರಣಗಳಲ್ಲಿ ಮನವ ಪ್ರೇರಿಸು ತಾಯಿ

ಅಟ್ಟತಾಳ
ಹರಿ ಸರ್ವೋತ್ತಮನೆಂಬ ಸ್ಥಿರವಾದ ಜ್ಞಾನವ |
ಕರುಣಿಸು ಕರುಣಿಸು ಶೆರಗೊಡ್ಡಿ ಬೇಡುವೆ |
ದುರುಳ ದಾನವರಂತೆ ಪರಮೇಶ ಶಿವನೆಂದು ಪೆರಧರ ಪರನೆಂದು ನುಡಿಸದಿರೆಂದೆಂದು |
ಸಿರಿಯರಸನ ಪೆದ್ದ ಪರಿಚರ್ಯವನು ಕೊಡು |
ಮರುಳೊಂದು ಬಯಸೇನು ಖೇಶ ಷಣ್ಮುಖಮಾತೆ |
ಸಿರಿವರ ಅಭಿನವ ಪ್ರಾಣೇಶ ವಿಠಲನ |
ಚರಣ ವಾರಿಜ ಭೃಂಗೆ ಸರ್ವಭಕ್ತಾಂತರಂಗೆ ||

ಆದಿತಾಳ
ಭಾಸುರ ಚರಿತಳೆ ಭೂಸುರ ವಿನುತಳೆ |
ಸಾಸಿರ ನಾಮನ ತೋಷದಿ ಭಜಿಪಳೆ |
ವಾಸವಾದಿ ದಿವಿಜೇಶ ಗಣಾರ್ಚಿತೆ |
ದಾಶರಥಿ ಹರಿ ವಾಸುದೇವ ಪದ |
ಸಾಸಿರ ಪತ್ರದಿ ಧೃಢ ಭಕುತಿಯ ಕೊಡು |
ಮೇಷಾಭಿನವ ಪ್ರಾಣೇಶ ವಿಠಲನ|
ದಾಸ್ಯತನವನಿತ್ತು ಪೋಷಿಸುವದೆಮ್ಮಾ||

ಜತೆ
ಅಜನಾಮಭಿನವ ಪ್ರಾಣೇಶ ವಿಠಲನ|
ನಿಜ ದಾಸನೆಂದೆನಿಸು ಸುಜನ ಪೋಷಕಳೆ